Bloggur Greifans

Who moved my cheese?

-- Titill á ágætri bók

Í fyrsta lagi skal nefna að ég hóf störf hjá Askar Capital í gær og líst bara mjög vel á. Það var svolítið erfitt að kveðja starfsfólk Kauphallarinnar því ég hafði unnið þar í næstum því 4 ár en ef allt fer að óskum þá mun mín bíða skemmtilegir og spennandi tímar á nýjum vettvangi.

Til að fagna þessum tímamótum sem og komandi sumri þá skellti ég pöntun á 1stk fjarstýrðri flugvél sem er væntanleg til landsins laust eftir helgi. Þetta er rafmagndrifin 3ja rása flugvél sem hefur innbyggða "anti-crash technology" sem ætti að lengja væntan líftíma vélarinnar til muna.