Dienstag, Juli 26, 2005
Fortune dagsins
No one is totally worthless.
At least he can serve as a horrible example.
-- Höfundur óþekktur
Helstu tíðindi
Afmælisveislan var flott og er ég nú "loksins" kominn á fertugsaldur! Í tilefni af þeim fagnaðartíðindum og að ég er nú búinn að fá minn eigin paraglidingútbúnað var brunað vestur undir jökul til þess að taka þátt í Snæfellsnes-Extreme mótinu.
Þetta var alveg frábær útilega, Skjöldur var alveg í skýjunum og maður gat ekki annað en glaðst yfir því hve vel honum leið þarna í náttúrunni. Síðan var félagsskapurinn síður en svo af verri kantinum þar sem góðvinur minn hann Kobbi klaki og Guðbjörg kona hans komu einnig með okkur. Því miður varð ekkert úr fyrirhuguðu flugi vegna leiðinlegrar vindáttar en við létum það ekkert á okkur fá heldur grilluðum, skoðuðum okkur um og spjölluðum um lífið og tilveruna. Fimm stjörnu helgi þó ég segi ekki meira.
Rauða örin bendir á hvar við tjölduðum
K & G þurftu að kveðja okkur snemma á sunnudaginn en við smáfjölskyldan héldum bara áfram að skoða nesið (og athuga með paraglidingaðstæður). Keyrðum m.a. þvert yfir nesið rétt austan við Jökulinn og var það ævintýri hið skemmtilegasta. Að lokum var svo litið í Stykkishólmslaugina og lúin bein hvíld á meðan Skjöldur Orri fékk smá útrás rétt áður en haldið var af stað heim í bæinn.
No one is totally worthless.
At least he can serve as a horrible example.
-- Höfundur óþekktur
Helstu tíðindi
Afmælisveislan var flott og er ég nú "loksins" kominn á fertugsaldur! Í tilefni af þeim fagnaðartíðindum og að ég er nú búinn að fá minn eigin paraglidingútbúnað var brunað vestur undir jökul til þess að taka þátt í Snæfellsnes-Extreme mótinu.
Þetta var alveg frábær útilega, Skjöldur var alveg í skýjunum og maður gat ekki annað en glaðst yfir því hve vel honum leið þarna í náttúrunni. Síðan var félagsskapurinn síður en svo af verri kantinum þar sem góðvinur minn hann Kobbi klaki og Guðbjörg kona hans komu einnig með okkur. Því miður varð ekkert úr fyrirhuguðu flugi vegna leiðinlegrar vindáttar en við létum það ekkert á okkur fá heldur grilluðum, skoðuðum okkur um og spjölluðum um lífið og tilveruna. Fimm stjörnu helgi þó ég segi ekki meira.
Rauða örin bendir á hvar við tjölduðum
K & G þurftu að kveðja okkur snemma á sunnudaginn en við smáfjölskyldan héldum bara áfram að skoða nesið (og athuga með paraglidingaðstæður). Keyrðum m.a. þvert yfir nesið rétt austan við Jökulinn og var það ævintýri hið skemmtilegasta. Að lokum var svo litið í Stykkishólmslaugina og lúin bein hvíld á meðan Skjöldur Orri fékk smá útrás rétt áður en haldið var af stað heim í bæinn.
Donnerstag, Juli 14, 2005
Fortune dagsins
But it does move!
-- Galileo Galilei
Helstu tíðindi
Guðrún, Þórhildur og Maja komu við um daginn með afmælisgjöfina til okkar og urðum við ekkert smá hissa og ánægð þegar í ljós kom að þetta var WEBER gasgrill! Eins og allir vita er enginn maður með mönnum nema hann eigi WEBER grill og því er staða okkar orðin töluvert betri eftir þessa frábæru viðbót í búið. Þetta er af tegund baby-Q en við erum að spá í að skipta því út fyrir "bara" Q sem hefur stærri grillflöt og auk þess niðurfellanleg borð.
Uh jeah baby... Q
Í morgun prílaði ég upp Esjuna í 3ja skiptið á 2.5 vikum og í þetta skiptið lét ég mér ekki nægja að fara "bara" upp að klettabeltinu heldur var farið alveg upp á toppinn og kvittað í gestabókina sem er þar falin inni í hringsjánni. Tíminn var það góður að ég verð að fá að monta mig aðeins: 1klst og 12 min upp sem þykir bara býsna gott.
Ég fór leið 1
Síðan er spurning hvað leynist í 7kg pakkanum frá Amazon UK sem ég ætla að sækja á eftir. Mig grunar að þetta sé eitthvað frá Helgu litlusystur.
But it does move!
-- Galileo Galilei
Helstu tíðindi
Guðrún, Þórhildur og Maja komu við um daginn með afmælisgjöfina til okkar og urðum við ekkert smá hissa og ánægð þegar í ljós kom að þetta var WEBER gasgrill! Eins og allir vita er enginn maður með mönnum nema hann eigi WEBER grill og því er staða okkar orðin töluvert betri eftir þessa frábæru viðbót í búið. Þetta er af tegund baby-Q en við erum að spá í að skipta því út fyrir "bara" Q sem hefur stærri grillflöt og auk þess niðurfellanleg borð.
Uh jeah baby... Q
Í morgun prílaði ég upp Esjuna í 3ja skiptið á 2.5 vikum og í þetta skiptið lét ég mér ekki nægja að fara "bara" upp að klettabeltinu heldur var farið alveg upp á toppinn og kvittað í gestabókina sem er þar falin inni í hringsjánni. Tíminn var það góður að ég verð að fá að monta mig aðeins: 1klst og 12 min upp sem þykir bara býsna gott.
Ég fór leið 1
Síðan er spurning hvað leynist í 7kg pakkanum frá Amazon UK sem ég ætla að sækja á eftir. Mig grunar að þetta sé eitthvað frá Helgu litlusystur.
Montag, Juli 11, 2005
Maður dagsins
Mon Père fyrir að komast á forsíðu DV
Fasteignamarkaðsskelfirinn
Helstu tíðindi
Ég er alveg hooked á Tour de France og skal mig ekki undra ef einhverjum finnst það skrýtið. Málið er að það er eitthvað svo heillandi við þessa keppni. 22 lið sem hvert fyrir sig stefnir að einu eftirfarandi markmiða:
1. Að foringinn vinni gulu treyjuna (sá sem klárar keppnina á stystum tíma)
2. Að foringinn vinni doppóttu treyjuna (sá sem fær flest klifurstig)
3. Að foringinn vinni grænu treyjuna (sá sem fær flest sprettstig)
4. Að foringinn vinni hvítu treyjuna (besti nýliðinn)
5. Að einhver í liðinu vinni einn legg (minni lið sem eiga ekki séns í treyjurnar)
6. Að einhver í liðinu geri eitthvað nógu flott til að komast á fyrirsagnir blaðanna
Af þessum er gula treyjan sú eftirsóknaverðasta og skal engan undra, til þess að vinna hana þarf að hafa góða "vinnumaura" í liðinu sem sjá um að sækja vatn, kljúfa vindinn, brúa bilið ef einhverjir hættulegir reyna árás á foringjann. Þ.e. hinir í liðinu muna aldrei vinna keppnina heldur er þeirra eina hlutverk að hjálpa foringjanum.
Nú er Lance Armstrong að reyna að vinna keppnina í 7unda skiptið í röð sem er alveg magnað, því engum öðrum hefur tekist að vinna keppnina oftar en 5 sinnum og bara Miguel Indurain tókst það samfellt. Eins og gefur að skilja er sagan, aldurinn, og allt annað á móti honum sem gefur fyrirheit um mjög spennandi keppni og mun fyrst á morgun koma í ljós hversu sterkur hann er því þá hefst fjallaklifrið í fullri alvöru:
Leggur morgundagsins
Tilfellið er að það er yfirleitt í fjöllunum sem úrslitin ráðast og er ástæðan einföld. Gefum okkur að leggurinn sé á jafnsléttu, þá munar yfirleitt litlu á keppendum því einfaldlega er um jafna vinnu að ræða og geta verri hjólreiðakappar haldið sig í vindskjóli þeirra sem fremst eru og sparað þannig orku.
Í fjöllunum er annað upp á bátinn því þegar farið er upp á við skiptir vindmótstaðan litlu máli og kemur þá virkilega í ljós hverjir eru sterkir og hverjir ekki. Auk þess reyna hinir bestu þá að þreyta út vinnumaura andstæðinganna svo að eftir verður einvigi þeirra bestu. Og ef einum tekst svo að sprengja keppinautana græðir hann ekki bara einhverjar sekúndur heldur jafnvel fleiri mínútur sem er gulls í gildi.
Spurningin er því hvað gerist á morgun? Vinnumaurar Lance sýndu ótvírætt veikleikamerki á laugardaginn og tvö önnur lið sýndu að þau eru mjög hættuleg. Annars vegar T-mobile sem hefur Jan Ullrich, sem vann keppnina 1997, og Vinokourov, sem hungrar í sigur, í liðinu (dýrasta liðið n.b.) og hins vegar CSC sem er stýrt af Bjarne Riis sem vann keppnina 1996 er hann steypti Miguel Indurain af stóli og ætti því að vita manna best hvernig sigra skal ríkjandi kóng.
Ég tel að Vinokourov muni vera Lance hættulegastur en ekki skal vanmeta liðsmenn CSC. Ullrich er of vanur að vera taparinn og því á ég ekki von á miklu frá honum.
Mon Père fyrir að komast á forsíðu DV
Fasteignamarkaðsskelfirinn
Helstu tíðindi
Ég er alveg hooked á Tour de France og skal mig ekki undra ef einhverjum finnst það skrýtið. Málið er að það er eitthvað svo heillandi við þessa keppni. 22 lið sem hvert fyrir sig stefnir að einu eftirfarandi markmiða:
1. Að foringinn vinni gulu treyjuna (sá sem klárar keppnina á stystum tíma)
2. Að foringinn vinni doppóttu treyjuna (sá sem fær flest klifurstig)
3. Að foringinn vinni grænu treyjuna (sá sem fær flest sprettstig)
4. Að foringinn vinni hvítu treyjuna (besti nýliðinn)
5. Að einhver í liðinu vinni einn legg (minni lið sem eiga ekki séns í treyjurnar)
6. Að einhver í liðinu geri eitthvað nógu flott til að komast á fyrirsagnir blaðanna
Af þessum er gula treyjan sú eftirsóknaverðasta og skal engan undra, til þess að vinna hana þarf að hafa góða "vinnumaura" í liðinu sem sjá um að sækja vatn, kljúfa vindinn, brúa bilið ef einhverjir hættulegir reyna árás á foringjann. Þ.e. hinir í liðinu muna aldrei vinna keppnina heldur er þeirra eina hlutverk að hjálpa foringjanum.
Nú er Lance Armstrong að reyna að vinna keppnina í 7unda skiptið í röð sem er alveg magnað, því engum öðrum hefur tekist að vinna keppnina oftar en 5 sinnum og bara Miguel Indurain tókst það samfellt. Eins og gefur að skilja er sagan, aldurinn, og allt annað á móti honum sem gefur fyrirheit um mjög spennandi keppni og mun fyrst á morgun koma í ljós hversu sterkur hann er því þá hefst fjallaklifrið í fullri alvöru:
Leggur morgundagsins
Tilfellið er að það er yfirleitt í fjöllunum sem úrslitin ráðast og er ástæðan einföld. Gefum okkur að leggurinn sé á jafnsléttu, þá munar yfirleitt litlu á keppendum því einfaldlega er um jafna vinnu að ræða og geta verri hjólreiðakappar haldið sig í vindskjóli þeirra sem fremst eru og sparað þannig orku.
Í fjöllunum er annað upp á bátinn því þegar farið er upp á við skiptir vindmótstaðan litlu máli og kemur þá virkilega í ljós hverjir eru sterkir og hverjir ekki. Auk þess reyna hinir bestu þá að þreyta út vinnumaura andstæðinganna svo að eftir verður einvigi þeirra bestu. Og ef einum tekst svo að sprengja keppinautana græðir hann ekki bara einhverjar sekúndur heldur jafnvel fleiri mínútur sem er gulls í gildi.
Spurningin er því hvað gerist á morgun? Vinnumaurar Lance sýndu ótvírætt veikleikamerki á laugardaginn og tvö önnur lið sýndu að þau eru mjög hættuleg. Annars vegar T-mobile sem hefur Jan Ullrich, sem vann keppnina 1997, og Vinokourov, sem hungrar í sigur, í liðinu (dýrasta liðið n.b.) og hins vegar CSC sem er stýrt af Bjarne Riis sem vann keppnina 1996 er hann steypti Miguel Indurain af stóli og ætti því að vita manna best hvernig sigra skal ríkjandi kóng.
Ég tel að Vinokourov muni vera Lance hættulegastur en ekki skal vanmeta liðsmenn CSC. Ullrich er of vanur að vera taparinn og því á ég ekki von á miklu frá honum.
Mittwoch, Juli 06, 2005
Fortune dagsins
It is not an optical illusion, it just looks like one.
-- Höf. óþekktur
Hmmm... gengur þetta upp?
Helstu tíðindi
Ég sakna enska boltans, mér finnst nefnilega mjög gaman að setjast fyrir framan imbann, helst í góðum félagsskap, með bjór í annarri á meðan rætt er í mestu makindum um allar hliðar leiksins. Mest hef ég gaman af ensku deildinni og Champions League en einnig þegar önnur stórlið mætast eins og t.d. Real og Börsungar.
Nú hefur verið skorað á mig að hlaupa 10km í Íslandsbanka-Reykjavíkur maraþoninu og er ég að vonast til þess að geta tekið henni. Vandamálið er helst að mér finnst ekkert sérstaklega gaman að hlaupa svo það er erfitt að pína sig út til þess að undirbúa átökin. Verð að rífa mig upp og gera eitthvað í málinu!
It is not an optical illusion, it just looks like one.
-- Höf. óþekktur
Hmmm... gengur þetta upp?
Helstu tíðindi
Ég sakna enska boltans, mér finnst nefnilega mjög gaman að setjast fyrir framan imbann, helst í góðum félagsskap, með bjór í annarri á meðan rætt er í mestu makindum um allar hliðar leiksins. Mest hef ég gaman af ensku deildinni og Champions League en einnig þegar önnur stórlið mætast eins og t.d. Real og Börsungar.
Nú hefur verið skorað á mig að hlaupa 10km í Íslandsbanka-Reykjavíkur maraþoninu og er ég að vonast til þess að geta tekið henni. Vandamálið er helst að mér finnst ekkert sérstaklega gaman að hlaupa svo það er erfitt að pína sig út til þess að undirbúa átökin. Verð að rífa mig upp og gera eitthvað í málinu!
Montag, Juli 04, 2005
Fortune dagsins
Mrs.B: If you pinch your cheeks, they'll glow. A little more, try to break some capillaries, dear.
Marge: Couldn't we use just rouge for this?
Mrs.B: Ladies pinch. Whores use rouge.
-- "The Way We Was''
Helstu tíðindi
Ástkær eiginkona mín er þrítug í dag, til hamingju elskan. Þar sem ég á ekki afmæli fyrr en eftir tvær vikur get ég notað tækifærið þessa dagana og núið því um nasir hennar að ég er nú á þrítugsaldri en hún á fertugsaldri... har har har.
Afmælisbarn dagsins
Aðrar fréttir eru að tónleikarnir með Duran Duran stóðust allar mínar væntingar og voru því fyllilega peninganna virði og vel það. Toppurinn var þegar þeir tóku Notorious (sem var aldrei í neinu sérstöku uppáhaldi hjá mér) og the Reflex. Morguninn eftir, nánar tiltekið kl. 07:00 skrapp ég svo upp á Esjuna og á laugardaginn fórum við í þetta fína þrítugsafmæli hjá Hadda og Ebbu, veitingarnar voru alveg frábærar!
Mrs.B: If you pinch your cheeks, they'll glow. A little more, try to break some capillaries, dear.
Marge: Couldn't we use just rouge for this?
Mrs.B: Ladies pinch. Whores use rouge.
-- "The Way We Was''
Helstu tíðindi
Ástkær eiginkona mín er þrítug í dag, til hamingju elskan. Þar sem ég á ekki afmæli fyrr en eftir tvær vikur get ég notað tækifærið þessa dagana og núið því um nasir hennar að ég er nú á þrítugsaldri en hún á fertugsaldri... har har har.
Afmælisbarn dagsins
Aðrar fréttir eru að tónleikarnir með Duran Duran stóðust allar mínar væntingar og voru því fyllilega peninganna virði og vel það. Toppurinn var þegar þeir tóku Notorious (sem var aldrei í neinu sérstöku uppáhaldi hjá mér) og the Reflex. Morguninn eftir, nánar tiltekið kl. 07:00 skrapp ég svo upp á Esjuna og á laugardaginn fórum við í þetta fína þrítugsafmæli hjá Hadda og Ebbu, veitingarnar voru alveg frábærar!
