Bloggur Greifans

Loksins er maður á leiðinni til Sviss eftir tæplega fjögurra ára fjarveru. Við munum nýta dagana til hins ítrasta og heimsækja Kristján, Gunna&Tótu, Daniel Künzler og aðra sem hafa reynst okkur vel. Í bónus hef ég haft samband við eitt svifdrekafélagið og stendur mér til boða að taka einn intensívan dag t.d. 24. júní ef vel viðrar og fljúga eins og fuglinn frjálsi í ölpunum.

Bara flott

Vonandi mun okkur gefast tími til að kíkja til Zermatt (sjá Mattehorn), Fara á Hiltl sem er besti grænmetisstaður í heimi, tónleika?, fara upp á Ütlibergið, labba niður Bahnhofstrasse og svo má lengi telja.

Við vorum að fá aðgang að skjánum og öllum þeim stöðvum sem honum fylgja. Það verður eflaust gaman að kíkja aftur á þýskumælandi stöðvarnar og sjá góðkunningja okkar þá Stefan Raab og ofurþáttinn Wetten Dass sem stendur fyrir sínu.

En í kvöld er stefnan tekin á Valbjarnarvöll þar sem Þróttur tekur á móti Njarðvíkinni. Sem sannir þróttaraforeldrar mætum við á svæðið og styðjum "okkar" lið.