Bloggur Greifans

Sin lies only in hurting other people unnecessarily.

All other "sins" are invented nonsense. (Hurting yourself is not sinful -- just stupid).
-- Lazarus Long

Um daginn tókum við Skjöldur þátt í skákmóti Langholtsskóla sem styrkt var af taflfélagi Reykjavíkur. Ég hef nú aldrei verið neitt sérstaklega góður í þeirri íþrótt en lét samt til leiðast að skrá mig til leiks því Skjöldur var svo ákafur og fullur af áhuga. Í stuttu máli þá tapaði strákurinn 5 viðureignum af 6 og ég tapaði tveimur... síðara tapið var mjög naumt. Til gamans skal þess getið að Hrannar frændi rúllaði mótinu upp og lék sér að andstæðingunum eins og köttur að mús, hann gerðist meira að segja svo frakkur að pakka skólastjórnanum saman á örfáum mínútum.

Góðu fréttirnar eru að þetta varð heldur betur til þess að glæða áhugann hjá mér aftur og fann ég þessa snilldar þjálfunarsíðu á netinu: http://chess.emrald.net/. Fyrirkomulagið er þannig að maður byrjar með tiltekinn fjölda stiga og fær síðan taktíst vandamál til þess að glíma við. Takist manni að finna bestu fléttuna í stöðunni innan þess tímaramma sem gefinn er, þá fær maður fleiri stig en annars eru stig dregin frá. Verkefnin eru af svipaðri erfiðleikagráðu og stigin gefa til kynna sem þýðir að eftir nógu margar tilraunir er þessi tala orðin ansi marktæk. Sjálfur er ég búinn að glíma við allnokkrar þrautir og má sjá árangurinn á meðfylgjandi mynd: