Bloggur Greifans

Fortune dagsins
I've been searching for the daughter Of the devil himself
I've been searching for an angel in white
I've been waiting for a woman who's a little Of both
And I can feel her but she's nowhere In sight
-- Úr laginu "One of these nights" með Eagles

Sumir eru að leita en ég hef fundið mitt eintak.


Helstu tíðindi
Síðustu daga hef ég fengið nokkra skemmtilega pósta, helst skal nefna tvo sem byrja á þennan veg:
1. Kæri umsækjandi
Þú ert á skrá hjá okkur sem umsækjandi um skotvopna(sREK 0406-21.09) og/eða veiðinámskeið(vREK 0406-26.09) í Reykjavík.

2. Ágæti umsækjandi
Það er okkur ánægja að tilkynna þér að umsókn þín um fjarnám við Verzlunarskóla Íslands hefur verið samþykkt. (Spænska 103)

Jamm ég er á leið að verða löggeng skytta og mellufær í spænsku. Varðandi skyttunámskeiðið þá er bara um fyrsta áfanga að ræða því lokatakmarkið er að fá B-leyfið, 1. stk riffil og skreppa til Skotlands eða Grænlands á hreindýraveiðar. Framvegis langar mig að sækja eitt námskeið per önn. Næst á óskalista er sushinámskeið, dansnámskeið (aftur og þá auðvitað með konunni) og rússneskunámskeið. Svo lengi lærir sem lifir!

Talandi um lærdóm þá er Skjöldur Orri búinn að fá sín fyrstu heimaverkefni: Við eigum að lesa í 10-15min með honum á hverju kvöldi og tók ég fyrstu vaktina í fyrradag. Mér til mikillar ánægju þá er drengurinn farinn að tengja saman stafina, þótt hraðinn sé ekki mikill enn sem komið er, og er eflaust stutt í að hann verði fluglæs.


Hróshornið
Fær íslenska þjóðin fyrir að styðja við bakið á Magna. Þetta sýnir og sannar að margt smátt gerir eitt stórt.