Bloggur Greifans

Fortune dagsins
Entreprenuer, n.:
A high-rolling risk taker who would rather be a spectacular failure than a dismal success.
-- Höf. óþekktur


Helstu tíðindi
Ég er illa sólbrenndur þessa dagana og er ástæðan auðvitað sú að ég eyddi heilum degi utanhúss í ágætisveðri án þess að svo mikið sem bera dropa af sólarvörn í smettið. Það eina sem bjargaði því litla sem bjarga mátti var aloe-vera gelið sem við áttum heima. Þetta svínvirkar þegar lágmarka skal eftirá skaðann og takmarka flögnunaráhrif.

Að öðru leyti var helgin frábær. Ég hóf laugardaginn á að fara ásamt Skildi í Laugardalinn að keppa í fótbolta. Strákurinn átti ágætisinnkomur og fór svo að hans lið náði öðru sæti í öðrum styrkleikaflokki. Harla gott svo ég segi ekki meir. Að þessu búnu brunaði ég upp í Hafrafell í Hafragrautinn þar sem ég náði einu ágætisflugi og að lokum var það kveðjupartíið sem var alveg stórskemmtilegt.

Sunnudagurinn var öllu rólegri en þá nýttum við hjónin tímann vel á meðan Skjöldur var enn í pössun og fórum í sund og golf. Síðustu tvo daga hefur svo gymmið verið í fókuspunkti og er ég því ansi ansi ansi þreyttur í skrokknum.


Hróshornið
Hrós dagsins fær að þessu sinni Dagur frændi sem er að stíga sín fyrstu skref í heimi íþróttafréttaritara. Minn maður er kominn með blaðamannapassa, laun og ég veit ekki hvað frá aðstandendum fotbolti.net þar sem lesa má nýjustu greinar frænda og annarra penna sem þar starfa.