Bloggur Greifans

Fortune dagsins
Without fools there would be no wisdom.
-- Höf. óþekktur

Loksins hef ég komist að tilgangi lífisins.


Helstu tíðindi
Parísarferðin var stórkostleg en ég verð þó að játa að borgin var tilkomumeiri sumarið 1998 þegar við Elma fórum þangað í fyrsta sinn, þetta var svona meir eins og að horfa á góða mynd í annað skiptið.

Hvað stóð svo upp úr?
1. Signusiglingin laugardagskvöldið þar sem við borðuðum þríréttað á meðan frönsk díva söng bland af frönskum og amerískum slögurum og var hápunktinum náð þegar ég tók dúmmarann í rútunni á leiðinni tilbaka... svona nett dejá vú frá vísindaferðunum í verkfræðinni forðum.
2. Versalaferð og stutt viðkoma í lystigarði sólkonungsins, því miður í grenjandi rigningu og með bullandi magaveiki. Ég afrekaði að kasta upp þrisvar þennan daginn og kenni baneitruðu Pina Colada um. Fyrst um morguninn, svo í rútunni á leið til Versailles og svo loks bak við tré nánast fyrir framan einn veitingastaðinn.

Markmið næsta árs: Að skrá mig á frönskunámskeið.


Hróskrókurinn
Nýr liður í stað MR króksins þar sem skólaárinu er svo gott sem lokið. Hugmyndin er að finna einhvern einstakling, hóp, félag eða fyrirtæki sem á hrós skilið fyrir gott framtak. Þar sem þetta er fyrsta hrósfærslan tíni ég allt til sem ég man eftir í fljótu bragði.

MR stelpurnar sem stofnuðu bandífélag þegar þær fengu ekki að æfa með strákunum.
MR fyrir að banna reykingar á böllum.
Framhaldsskólinn sem er með edrúmælinn á böllum og heldur lotterí fyrir þá sem mæta óölvaðir.

Hmmm, man ekki eftir öðru í bili, svona getur maður verið tómur í hausnum stundum. Verð vonandi með eitthvað gáfulegra og innihaldsríkara næst.