Bloggur Greifans

Fortune dagsins
The only way I can lose this election is if I'm caught in bed with a dead girl or a live boy.
-- Edwin Edwards, Louisiana governor


Helstu tíðindi
Fórum á sjávarkjallarann á laugardaginn með M&P og Helgu að borða hinn víðfræga exotic menu. Þessi matseðill er hreint út sagt himneskur og þá sérstaklega forréttirnir sem eru óviðjafnanlegir: Dim Sum, djúpsteiktur krabbi, sushi, héri, önd, humar o.fl. Hvítvínið var líka frábært en rauðvínið svona... bara gott. Ekki veit ég hvað Helga sagði við dömuna í símanum þegar hún pantaði borðið en hvað sem því líður þá var komið fram við okkur eins og eðalborið kóngafólk því það hefur aldrei verið stjanað eins við mig á veitingastað. 5 stjörnu kvöld.

Fyrst ég er farinn að hrósa þá er eins gott að láta hné fylgja kviði. Ég brá mér í klippingu í hádeginu og að sjálfsögðu hjá sama hárgreiðslumeistara og síðast þar sem viðbrögðin voru engu lík. Greinilegt að það hefur verið mikil breyting að hætta hjá Lýði blessuðum (klippir m.a. Davíði Oddssyni og Bjögga Guðmundss.) og fara yfir í stofu sem er aðeins meir moðens. Reyndar hækkaði gjaldtakan úr 2500 í 3500 við skiptin en það er önnur saga auk þess sem hárþvottur fylgir. Og hvar er nýi staðurinn svo?
Svar: Kompaníið Ármúla 1 og var það frk. Silja sem var mundaði ljáinn.


MR krókurinn
Kannski smá glaðningur á morgun til að létta andann eftir hið langa og e.t.v. fullerfiða skyndipróf.