Mittwoch, November 09, 2005
Helstu tíðindi
Skjöldur Orri varð fimm ára í gær. Það var mikill höfuðverkur að finna góða afmælisgjöf því drengurinn var alveg æstur í að fá Harry Potter legókastala en hann kostar litlar 15.000 krónur. Legó er skemmtilegt en ekki alveg svona skemmtilegt.... a.m.k. ekki þangað til drengurinn verður orðinn aðeins eldri. Í staðinn keypti ég fjarstýrðan jeppa sem kostaði aðeins minna. Nú höfum við feðgarnir góða afsökun til þess að fara út saman þegar vel viðrar.
Eitthvað hefur bloggtíðnin lækkað hjá mér en fyrir því er ágæt ástæða. Ég er í próftörn í lögfræði og verður að játast að ég hef gert skemmtilegri hluti en að lesa um mótbárumissi skuldara gegn framsalshafa, dæmigerða meðferð einkamála í héraðsdómi eða hver sé munurinn á firma, fyrirtæki og félagi. Nei nei, þetta hefur sínar góðu hliðar því nú er maður margs fróðari um hvernig haga skuli málum við að kæra aðra, eða hvaða skuldbindingar fylgja því að gefa loforð o.s.frv.
MR krókurinn
Kynningin á diffrun gengur ágætlega að mínu mati og hef ég reynt að tengja svolítið betur saman markgildi/samfelldni/diffrun en var gert þegar ég var að læra efnið... vona bara að e-ð komist til skila. Eitt af þeim vandamálum sem kennarar þurfa að takast á við er að reyna að setja sig í spor nemenda og finna út hvað þurfi að útskýra vel og hvað sé svo einfalt í þeirra hugum að það þarfnist ekki mikillar málalengingar. Þegar neminn sér efni í fyrstu sýn líta sumir hlutir út fyrir að vera mjög flóknir en í huga þess sem kann það vel getur verið erfitt að sjá og skilja hvers vegna svo er.
Skjöldur Orri varð fimm ára í gær. Það var mikill höfuðverkur að finna góða afmælisgjöf því drengurinn var alveg æstur í að fá Harry Potter legókastala en hann kostar litlar 15.000 krónur. Legó er skemmtilegt en ekki alveg svona skemmtilegt.... a.m.k. ekki þangað til drengurinn verður orðinn aðeins eldri. Í staðinn keypti ég fjarstýrðan jeppa sem kostaði aðeins minna. Nú höfum við feðgarnir góða afsökun til þess að fara út saman þegar vel viðrar.
Eitthvað hefur bloggtíðnin lækkað hjá mér en fyrir því er ágæt ástæða. Ég er í próftörn í lögfræði og verður að játast að ég hef gert skemmtilegri hluti en að lesa um mótbárumissi skuldara gegn framsalshafa, dæmigerða meðferð einkamála í héraðsdómi eða hver sé munurinn á firma, fyrirtæki og félagi. Nei nei, þetta hefur sínar góðu hliðar því nú er maður margs fróðari um hvernig haga skuli málum við að kæra aðra, eða hvaða skuldbindingar fylgja því að gefa loforð o.s.frv.
MR krókurinn
Kynningin á diffrun gengur ágætlega að mínu mati og hef ég reynt að tengja svolítið betur saman markgildi/samfelldni/diffrun en var gert þegar ég var að læra efnið... vona bara að e-ð komist til skila. Eitt af þeim vandamálum sem kennarar þurfa að takast á við er að reyna að setja sig í spor nemenda og finna út hvað þurfi að útskýra vel og hvað sé svo einfalt í þeirra hugum að það þarfnist ekki mikillar málalengingar. Þegar neminn sér efni í fyrstu sýn líta sumir hlutir út fyrir að vera mjög flóknir en í huga þess sem kann það vel getur verið erfitt að sjá og skilja hvers vegna svo er.
